مشروع موهبة ~ Talent 🌸
بالبداية هي صفحتنا مشروع موهبة 🌸
بالبداية كلنا بنعرف انه الناس الموهوبين بالاردن شبه مهمشين وما الهم دعم 💔
بعرف انه خير الكلام ما قل ودل بس هسا صار لازم نحكي.. 👋💪
ولانه المواهب ما الها دعم احنا هون رح نبدا سوا من الصفر لحتى بالاخر نوصل..كلنا بنقدر ندعم بعض ونساعد بعض لحتى ينجح المشروع🌸
بدها صبر شوي بس بالاخر الكل رح يستفيد وينبسط🌸
هون بتقدر تنمي موهبتك ومهاراتك وتسقلها بعيداً عن الاحباط والنفسيات الي بتحاول تحطمك.. لانه الكل هون مثلك بالضبط عنده حلم..و بيعرف انه ما في حدا ببلش من مرحلة الاحتراف 🌸
الخبرة والمحترف بعلم الي اضعف منه وهيك الكل بتطور 🌸
ممكن الي بكتب يستوحي شغلة من رسمتك..او الي برسم يستوحي فكرة من كلماتك.. الي بغني والي بعزف بتلاقي ناس بشغف تسمعك.. ممكن ثنين يتعرفوا على بعض ويصيروا يشتغلوا سوا... 🌸
كيف بندعم المشروع؟!
بندعمه لما نكون عيلة وحدة..وكل واحد فينا يضيف كل حدا مبدع و موهوب بعرفه عشان تضل هالعيلة تكبر وتتطور..🌸
وحتى لو حدا عنده هواية وبتتمناله الخير وبدك اياه يصير افضل ضيفه🌸
بدون ما نسيئ لبعض.. ما في شروط ولا قوانين.. كلشي بالعقل وبدون ما نتجاوز حدود بعض كلشي حيكون تمام..🌸
وشكراً ل دعمكم 🌸
الهاش تاج #مشروع_موهبة
